सार्वजनिक गाडीमै बालिकामाथि यौन दुर्व्यवहार, समाजका अगुवाले नै गराए मिलापत्र
काठमाडौं, ५ असार । कानुनतः यौन हिंसा जस्ता फौजदारी घटनामा मिलापत्र गर्न–गराउन निषेध छ ।
खासगरी बालिकामाथि भएको यौन हिंसालाई त शून्य सहिष्णुताको श्रेणीमा राखिएको छ । तर, व्यवहारमा बालिकालाई यौन दुर्व्यवहार गर्नेलाई मिलापत्र गरेर उन्मुक्ति दिनेहरु पनि स्वतन्त्र घुमिरहेका छन् ।
काभ्रेको महाभारत गाउँपालिकाकी एक बालिकालाई यौन दुर्व्यवहार गर्ने अभियुक्तलाई शिक्षक, सामुदायिक मेलमिलापकर्ता आफैले मिलापत्र गराएका थिए ।
गोकुलेस्थित स्थानीय स्वास्थ्य चौकीमा कार्यरत अहेव बुद्धिदास श्रेष्ठले २०७६ जेठ १२ गते दिउँसो १३ वर्षीया बालिकालाई सार्वजनिक सवारी साधनभित्रै यौनाङ्गमा चोट पुग्ने गरी दुर्व्यवहार गरेका थिए ।
पीडकले पीडितलाई एक लाख रुपैयाँ दिने र पीडितले कतै मुद्दा नदिने शर्तमा जेठ १४ गते कागज गराएर सहमति गरिएको थियो । नेपाल समाचारपत्र दैनिकबाट
