भैंसीलाई पानी खुवाउन गएकी बालिका गोठमै बलात्कृत
बाजुरा, २ माघ । भैंसीलाई पानी खुवाउन गएकी बाजुराकी एक १२ वर्षीया बालिका गोठमै बलात्कृत भएकी छन् ।
बाजुराको बूढीगङ्गा नगरपालिका–८ नुवाकोटका ४७ वर्षीय दलबहादुर थापा बालिका बलात्कार अभियोगमा पक्राउ परेका छन् । थापाले स्थानीय १२ वर्षीया बालिकालाई गोठमा भैंसीलाई पानी खुवाउन गएका बेलामा बलात्कार गरेका प्रहरीले जनाएको छ ।
बालिकाकी आमाले दिएको उजुरीको आधारा प्रहरीले थापालाई पक्राउ गरेको हो । थापालाई हिरासतमा राखी अनुसन्धान थालिएको प्रहरी नायब उपरीक्षक उद्धवसिंह भाटले जानकारी दिएका छन् ।
