गोंगबुमा ग्यास सिलिन्डर विष्फोट, एक जनाको मृत्यु, ४ गम्भीर घाइते
काठमाडौं, २ माघ । काठमाडौंका गोंगबुस्थित पिस ग्लास हाउसमा सिलिन्डर ग्यास विष्फोट भएको छ । बुधबार विहान बिष्फोट हुँदा एक जनाको मृत्यु भएको छ । भने ४ जना गम्भीर घाइते भएको हो ।
मृत्यु हुनेमा नुवाकोटको बेलकोटका काजी तामाङ छन् । विष्फोट भएपछि गम्भीर घाइते भएका उनीसहित ५ जनालाई उपचारका लागि त्रिवि शिक्षण अस्पताल, महाराजगञ्ज लगिएको थियो । त्यहाँ उपचारका क्रममा तामाङको मृत्यु भएको हो ।
घटनामा गम्भीर घाइते हुनेहरुमा कैलाश श्रेष्ठ, राजु बिसी, रेशम तामाङ र अनिल पोखरेल छन् । उनीहरुको अवस्था गम्भीर छ ।
घटनास्थलमा रहेका अधिकारीहरुका अनुसार त्यहाँ बर्नर विग्रिएको एक सिलिन्डरको मर्मत गर्ने क्रममा एक्कासि आगलागी भएको थियो ।
