शाहिद कपुरको फिल्म सुटिङका क्रममा दुःखद दुर्घटना, एक युवाको गयो ज्यान
काठमाडौं, ११ माघ । चलचित्र हेर्दा जति रमाइलो हुन्छ, यसको निर्माणमा आउने घटनाहरु केहि निकै दुःखद समेत हुने गर्छ ।
बलिउड नायक शाहिद कपुरको फिल्म ‘कबिर सिंह’ को सुटिङ मसुरीको एक होटलमा भइरहेको छ । यो फिल्म सुटिङको क्रममा एक जेनेरेटर अपरेटरको मृत्यु भएको छ ।
भारतीय मिडियाका अनुसार मृतक फिल्मको सेटमा जेनेरेटर बनाइरहेका थिए । त्यति नै बेला उनले लगाइरहेको गलबन्दी जेनेरेटरको फ्यानमा अड्कियो जसका कारण उनको टाउको फ्यानमा ठोक्कियो । मृतकको टाउकोमा गम्भीर चोट लाग्यो । जसका कारण उनलाई देहरादूनको अस्पताल पुर्याइयो तर डाक्टरहरुले उनलाई बचाउन सकेनन् ।
मृतकको पहिचान मुजफ्फरनगरको किनोनी गाउँका ३५ वर्षे राम कुमारको रुपमा भएको छ । यसबारे जानकारी दिँदै निरज कठैत भन्छन्, ‘मृतकको परिवारलाई घटनाबारे जानकारी दिइएको छ र शुक्रबार पोष्टमार्टम गरिने छ ।’ यो घटनापछि फिल्मको सुटिङ रोकिएको छ । यो फिल्म तेलुगू फिल्म ‘अर्जुन रेड्डी’ को रिमेक हो र यसमा शाहिखका साथै कियारा आडवाणी मुख्य भूमिकामा हुनेछन् । एजेन्सी
