पाकिस्तान सुपर लिग क्रिकेटको डेब्यु खेलमै सन्दीपले लिए ३ विकेट
काठमाडौं,फागुन १० । पाकिस्तान सुपर लिगमा सन्दीप लामिछानेले महत्वपूर्ण ३ विकेट लिएका छन् । लाहोर कलन्दर्सबाट लामिछानेले पहिलो खेलमै ३ विकेट लिन सफल भएका हुन् । पहिलो ओभरमा १७ रन दिएर महँगो सावित भएका सन्दीपले दोश्रो, तेश्रो र चौथो ओभरमा १–१ विकेट लिन सफल भएका हुन् ।
लगत्तै दोस्रो ओभरमा सन्दीपले लाहोर कलन्दर्सलाई पहिलो सफलता दिलाउन सफल भए । मुलतान सुल्तान्ससँगको खेलमा सन्दीपले तीन विकेट लिएका हुन् ।
उनको बलमा ११।५ औं ओभरमा ८४ रन बनाएर क्रिजमा रहेका जेम्स भिन्स फकर जमानको हातबाट क्याच आउट भएका थिए । व्यक्तिगत तेस्रो ओभरमा सन्दीपले सोयब मलिकलाई आउट गर्न सफल भए ।
१६ औं ओभरमा व्यक्तिगत चौथो ओभर लिएर आएका सन्दीपले आन्द्रे रसललाई कट एण्ड बोल्ड गरेका हुन् ।
सन्दीपले ४ ओभरको स्पेलमा ४६ रन खर्चिएदा ३ विकेट हात पार्न सफल भएका छन् ।
