काठमाडौं– ७ मा एमालेका रामवीर मानन्धर विजयी
काठमाडौं: काठमाडौं– ७ मा नेकपा एमालेका रामवीर मानन्धर विजयी भएका छन् । उनी १८१०२ मत ल्याएर विजयी भएका हुन्।
उनका निकट प्रतिद्वन्द्वी राष्ट्रिय प्रजातन्त्र पार्टीका बिक्रमबहादुर थापाले १००७९ मत ल्याएका छन्।
काठमाडौंका १० निर्वाचन क्षेत्रमध्ये यो एमालेको पाँचौं जित हो। यसअघि काठमाडौं २ मा माधवकुमार नेपाल, ३ मा कृष्ण राई, ८ मा जीवनराम श्रेष्ठ र ९ मा कृष्णगोपाल श्रेष्ठ विजयी भएका छ्न् । अब काठमाडौंको ५ नम्बर क्षेत्रमा मात्र मतपरिणाम आउन बाँकी छ।