अनिल गुरुङको गोलले मनाङ फाइनलमा (फोटोफिचर)

काठमाडौं : मनाङ मर्स्याङदी क्लब दुहवी गोल्डकपको फाइनल प्रवेश गरेको छ । सुनसरीको दुहवी रंगशालामा जारि दोस्रो मनमोहन दुहवी गोल्डकप फुटबल वुधवार भएको पहिलो सेमीफाइनल खेलमा मनाङ फाइनल प्रवेश गरेको हो ।
मनाङ चर्च ब्वाइज क्लबलाई १–० गोल अन्तरले पाखा लगाउँदै फाइनलमा प्रवेश गरे । खेलको ३४ औ मिनेटमा मनाङ मस्र्याङ्दीका बिराज महर्जनले दिएको क्रस पासमा अनिल गुरुङले १ गोल गरेको थिए ।
खेल अन्तिम समयमा सम्म दुबै टिमबाट कुनै गोल हुन नसकेपछि त्यही गोल निणार्यक बन्न पूग्यो ।खेलको म्यान अफ द म्याच मनाङका हेमन गुरुङ भए । उनले नगद पाँच हजार सहित मेडल प्रमाणपत्र प्राप्त गरे।
अन्तिम सेमीफाइनल खेल विहीवारको त्रिभुवन आर्मी क्लब काठमाण्डौ र अग्नी रुपन्देही ११ रुपन्देही बिच हुनेछ । फाइनल खेल पुष १ गते शनिवार हुँने आयोजकले जनाएको छ ।