अध्यादेश अड्किरहेका बेला राष्ट्रपति र केपी ओलीवीच भेटवार्ता
काठमाडौं : राष्ट्रपति विद्या भण्डारी र एमाले अध्यक्ष केपी शर्मा ओलीबीच भेटवार्ता भएको छ । राष्ट्रिय सभासम्वन्धी अध्यादेश अड्किरहेका बेला एमाले अध्यक्ष ओलीले राष्ट्रपतिलाई भेटेका हुन् ।
सरकारले राष्ट्रिय सभासम्वन्धी अध्यादेश पठाएको लामो समय भएपनि राष्ट्रपति भण्डारीले जारी गरेकी छैनन् । बिहीबार मात्र प्रधानमन्त्री शेरबहादुर देउवाले राष्ट्रपतिलाई भेटेर अध्यादेश जारी गर्न आग्रह गरेका थिए ।
शीतल निवासमा जानु अघि ओलीले दिउँसो माओवादी अध्यक्ष प्रचण्डसँग छलफल गरेका थिए । उनीहरूबीच चुनावी परिणामपछि भएको पहिलो भेटमा दुई पार्टी बीचको एकता, नयाँ सरकार गठन, समसामयिक राजनीतिक परिस्थिति राष्ट्रियसभासम्बन्धी अध्यादेश लगायतका विषयमा कुराकानी भैरहेको प्रचण्ड निकट एक स्रोतले बताएको छ।
