पार्टी एकताका लागि क्रियाशिल छु : वामदेव गौतम

काठमाण्डौं : नेकपा एमालेका उपाध्यक्ष वामदेव गौतमले नेकपा एमाले र नेकपा माओवादी केन्द्रको एकतामा आफू जहिले पनि सक्रिय रहेको बताएका छन् ।

कम्युनिष्ट पार्टीहरुको नेतृत्वमा सरकार निर्माण गरी समाजवाद उन्मुख सामाजिक आर्थिक रुपान्तरणलाई प्रभावकारी ढङ्गबाट अगाडि बढाउन सरकार बाहिरबाट आफू सँधैं सक्रिय रहने उनले बताएका छन् ।

नयाँपेजसँग कुरा गर्दै नेता गौतमले मुलतः आफू तीन प्रकारको भूमिकामा सक्रिय रहने बताएका छन् । उनले गणतन्त्रपछि टुटफुट भएको कम्युनिष्ट आन्दोलनलाई एकीकृत गर्ने, आगामी ५ वर्षभित्र समाजवाद उन्मुख आर्थिक, सामाजिक रुपान्तरणका लागि क्रियाशिल रहने र जनताले अनुभूति गर्नसक्ने गरी विकास निर्माणको काममा भूमिका निर्वाह गर्ने जनाएका छन् ।

नेता गौतमले प्रतिनिधिसभा निर्वाचनमा बर्दिया–१ बाट आफू पराजित भए पनि राष्ट्रिय राजनीतिमा आफू जहिले पनि अग्रभागमा नै रहने दावी गरेका छन् । निर्वाचनमा जीत–हार सामान्य रहेको बताउँदै नेता गौतमले भने–‘दुबै पार्टीले मेरो पराजयको कारणबारे निष्पक्ष छानविन ग¥यो भने ममाथि न्याय हुनेछ भन्ने मैले सोंचेको छु ।’ आफूले कम्युनिष्ट आन्दोलनमा महत्वपूर्ण योगदान पु¥याएको दावी गर्दै नेता गौतमले आउँदा दिनमा पनि कम्युनिष्ट आन्दोलनको साखलाई उचाइ दिन क्रियाशिल रहने बताएका छन् ।

प्रतिक्रिया दिनुहोस्