अर्बौं भ्रष्टाचार गर्नेलाई उन्मुक्ति, २५ हजार खानेविरुद्ध मुद्दा !
काठमाण्डौं : सडक विभाग अन्तर्गतका धरान–चतरा–हेटौंडा, गल्छी–स्याफ्रुबेसी, बेलहिया–भैरहवालगायतका सकडमा ८४ अर्ब रुपैयाँको ठेक्का ६ वटा ठूला ठेकेदारलाई मात्र दिएर २० अर्ब रुपैयाँभन्दा बढी नीतिगत भ्रष्टाचार गर्ने भौतिक पूर्वाधार तथा यातायात मन्त्रालयका सचिव देवेन्द्र कार्की, सडक विभागका महानिर्देशक गोपाल सिग्देल र प्रधानमन्त्री शेरबहादुर देउवापत्नी आरजु राणा देउवाको छानबिन गर्न नसक्ने अख्तियार दुरुपयोग अनुसन्धान आयोगले ५ हजारदेखि २५ हजार रुपैयाँ घुस खानेलाई पक्राउ गर्दै प्रचार गर्दै आएको छ ।
यसैक्रममा बुधबार पनि अख्तियारले नेपाल विद्युत प्राधिकरण, पाँचखाल, काभ्रेमा कार्यरत सुपरभाइजर दिनेश थापालाई २५ हजार रुपैयाँ घुस लिएको आरोपमा बुधबार विशेष अदालतमा मुद्दा दायर गरेको छ । थापाले थ्री फेज लाइन जडान गर्ने प्रयोजनको लागि घुस माग गरिरहेको भन्ने सूचना एवम् उजुरीको आधारमा अख्तियार टोलीले उनलाई घुस रकम वापतको लिंदालिंदै पक्राउ गरेको थियो ।
उनलाई भ्रष्टाचार निवारण ऐन, २०५९ को दफा ३ को उपदफा ९१० बमोजिमको कसुर गरेको पुष्टि हुन आएकोले बिगो २५ हजार रुपैंयाँ कायम गरी मुद्दा दायर गरेको अख्तियारले जनाएको छ ।
