सातै प्रदेशमा यस्तो देखियो राष्ट्रियसभा सदस्यको मनोनयन (फोटो फिचर)
काठमाण्डौं, १० माघ : आउँदो माघ २४ गते हुने राष्ट्रियसभा निर्वाचनका लागि बुधबार देशका सात वटै प्रदेशमा उम्मेद्वारको मनोनयन दर्ता भएको छ ।
सात वटै प्रदेशका निर्वाचन आयोगमा नेकपा एमाले, नेकपा माओवादी, नेपाली कांग्रेसलगायत दलबाट सिफारिस भएका उम्मेद्वारले मनोनयन दर्ता गराएका हुन् ।
नेकपा एमाले र नेकपा माओवादीले प्रतिनिधि तथा प्रदेशसभा निर्वाचनकै घोषणा–पत्रका आधारमा मनोनयन दर्ता गरिएको प्रतिक्रिया दिएका छन् ।
उनीहरुले साझा घोषणा–पत्र मनोनयनको मुख्य आधार रहेको बताएका छन् । मनोनयनमा सहभागी शीर्ष नेताहरुले मुलुकको गरिमालाई उच्च बनाउने दायित्व आफूहरुको काँधमा आइरहेकाले उक्त जिम्मेवारी निर्वाह गर्नका लागि उम्मेद्वारी दर्ता गराएको बताएका छन् । प्रत्येक प्रदेशमा ८–८ (तीन महिला, तीन खुला, एक दलित र एक अपाङ्ग तथा अल्पसंख्यक) सिट रहन्छ ।