तोक आदेशको भरमा सिंचाइमन्त्रीकी छोरीलाई जागिर !
काठमाण्डौ, १६ माघ : नेपाल रेडक्रस सोसाइटी कर्मचारी संघका अध्यक्षको ठाडो आदेशमा सिंचाइमन्त्रीकी छोरीलार्य रेडक्रसको जागिर खुवाइएको खुलासा भएको छ ।
मन्त्रीको गौतमको छोरीलाई करारमा नियुक्ति गरे लगत्तै प्रकोप व्यवस्थापन लगायतका विभागमा अन्य सात जनालाई पनि नियुक्ति गरिएको छ ।
समाचार स्रोतका अनुसार नयाँ कर्मचारीहरुलाई विज्ञापन नखुलाई तोक आदेशमा भर्ना गरिएको छ । नेपाल रेडक्रसमा करारमा नियुक्ति गरिएको कर्मचारीलाई कर्मचारी नियमावलीमा रहेको करार सेवा लिन सकिने आशय विपरित हुने गरि एउटै व्यक्तिलाई वर्षौसम्म नियुक्त गरिरहेको कर्मचारी संघको ज्ञापनपत्रमा उल्लेख गरिएको छ । तर करार र अस्थायी कर्मचारीहरुलाई संचय कोष र उपदान सुविधावाट वञ्चित गराइएको छ । ‘सञ्चित रकम कर्मचारीलाई उपलब्ध नगराई पदाधिकारीहरुको हालीमुहाली गरिरहेका छन्’ स्रोतले भन्यो ।
केन्द्रिय रक्तसञ्चार केन्द्रमा सोसाइटीले संवेदनशिलता नअपनाएकोप्रति कर्मचारी संघले आपत्ति जनाएको छ । निर्धारित मापदण्ड पूरा गरी विधिपूर्वक नियुक्ति भएका कर्मचारीलाई मात्रै नियुक्त गर्न सुझाएको छ । नेपाल रेडक्रसमा सामुहिक भावनाको अभाव रहेको संघले ठहर गरेको छ । नेपाली कांग्रेस नेता विमलेन्द्र निधी निकट रहेका सोसाइटीका सभापति थापाले कांग्रेस कार्यकर्ता आफुखुशी भर्ना गर्दै आएको जनाइएको छ ।
