जेलका कर्मचारी घुससहित पक्राउ
काठमाडौं, २२ माघ । जिल्ला कारागार सप्तरीका जेलर नायव सुव्बा कृष्णबहादुर दाहाललाई ४० हजार रुपैयाँ घुस लिंदालिंदै अख्तियार दुरुपयोग अनुसन्धान आयोगको टोलीले सोमबार पक्राउ गरेको छ । सो जेलका कैदी बन्दीहरुलाई स्थानान्तरण गरिदिने भनेर जेलर दाहालले उक्त घुस लिएका थिए ।
घुस लिंदालिंदै अख्तियारको टोलीले कारागार रोडको मुरली चिया पसलबाट नियन्त्रणमा लिई अनुसन्धान कार्य भइरहेको जनाएको छ ।