नेपाल कम्युनिष्ट पार्टी निर्वाचन आयोगमा आज दर्ता हुने, अब संसदमा चार पार्टी
काठमाण्डौ, ८ फागुन : नेकपा एमाले र माओवादी केन्द्रबीच पार्टी एकता भएपछि बनेको नयाँ पार्टी ‘नेपाल कम्युनिष्ट पार्टी’ आज निर्वाचन आयोगमा दर्ता हुने भएको छ ।
संसदमा अब ४ वटा मात्र राष्ट्रिय दल हुने भएका छन् । दुई महिनाअघि सम्पन्न निर्वाचनबाट ५ वटा दलले मात्र राष्ट्रिय पार्टीको मान्यता पाएका थिए । यीमध्ये पहिलो दल नेकपा एमाले र तेस्रो माओवादी केन्द्रबीच सोमबार राति एकता भएर नेपाल कम्युनिष्ट पार्टी गठन भएको छ ।
नयाँ पार्टीले मंगलबार नै निर्वाचन आयोगमा दल दर्ता गराउने बताइएको छ । ‘दुवै अध्यक्षले मंगलबार आयोग गएर दल दर्ता गर्ने कार्यक्रम रहेको नेताहरुले जनाएका छन् ।
