अभिनेत्री अशिष्मा नकर्मीको विवाह ब्रिटिस आर्मीका छोरासँग हुँदै

काठमाडौं, फागुन २२। अभिनेत्री अशिष्मा नकर्मी विवाह हुने पक्का भएको छ। उनको विवाह फागुन २८ गते नविन प्रधानसँग हुने तय भएको छ । उनले नविनसँग मागी विवाह गर्न लागेकी हुन् ।

उनले कुराकानी, बानी व्यहोरा र नेवारी समुदाय कै केटोसँग विवाह गर्न लागेकी बताइन् । ‘अमेरिकामा रहनु भएको मेरो धर्म भाई प्रतिल श्रेष्ठ र नविन जीको भाई साथी साथी हुनुहुदोँ रहेछ । उहाँहरुकै कारण हाम्रो दुई हप्ता अगाडि कुराकानी भयो । उहाँहरु घरमा माग्न आउनु भयो । कुराकानी, बानी व्यहोरा सबै राम्रो लागेकोले विवाह गर्ने निर्णय गरेकी हुँ । अर्को कुरा उहाँ नेवार समुदायको पनि हुनु भएकोले पनि विवाहको लागि म राजी भएकी हुँ ।’

उनले विवाहपछि पनि निरन्तर सिने क्षेत्रमा रहिरहने बताएकी छिन् । उनले भनिन्, ‘विवाहपछि सिने क्षेत्रबाट विश्राम लिन्छु भन्ने पछिको कुरा हो । तर मैले अभिनय गरेको सिनेमाहरु अझै पनि रिलिज हुनै बाँकी छन् । त्यसकारण पनि त्यसको लागि मैले समय दिनु नै पर्छ । त्यसकारण हेर्ने हो भने म तत्काल सिनेमा क्षेत्रबाट टाढा भएर जान्छु भन्ने लागेको छैन ।’

उनले विवाहको कार्ड छापिसकेको तर निम्तो बाड्न बाँकी रहेको बताएकी छिन् ।

करिब एक दशकदेखि फिल्म नगरीमा सक्रिय रहेकी अशिष्माले नेपाली भाषासहितका दर्जनौ नेवारी फिल्ममा नायिकाको भूमिकामा निर्वाह गरेकी छिन् । तर उनी नेपाली चलचित्रका दर्शकमाझ भन्दा नेपाल भाषाका चलचित्रबाट नेवारी समुदायमा चर्चित छिन् । उनले नेपाली भाषा चलचित्रमा ‘अन्तराल’बाट डेव्यु गरेकी हुन् । 

गाेरखा अार्मीका छाेरासँग विवाह  

अशिष्माका श्रीमान पेसाले चार्टर्ड अकाउन्टेन्ट हुन । काठमाण्डौ मध्य बानेश्वरका स्थानीय नविन हाल अमेरिकामा छन् । अमेरिकामै बस्ने धर्म भाईसँग साथी रहेका नविनसँगको छोटो चिनजानमा विवाह हुन लागेको हो।

विशुद्ध एरेन्ज म्यारिजमा बाँधिन लागेकी अशिष्माका हुनेवाला श्रीमान फ्रिलान्सर सिए (चार्टर्ड अकाउन्टेन्ट) हुन् । नविन १२ वर्षदेखि अमेरिकामा बस्दै आएका छन् । उनको पारिवारिक पृष्ठभूमिमा पीता ब्रिटिश आर्मी हुन ।

 

प्रतिक्रिया दिनुहोस्