पर्खनुस् नेपाली क्रिकेटमा सुनौलो दिन आउँछ : कप्तान पारस
काठमाण्डौं, ४ चैत : जिम्बाब्बेमा भएको आईसीसी विश्वकप क्रिकेटमा नेपालले पाएको एक दिवसीय अन्तर्राष्ट्रिय मान्यताले यति बेला खेलाडीमा थप हौसला प्राप्त भएको छ ।
यद्यपी अन्तिम खेलमा नेदरल्याण्डसँग पराजित भएर आठौं हुन पुगेता पनि नेपाली खेलाडीले ‘एक दिवसीय मान्यता पाउनु पनि खुशीको कुरा भएको बताएका छन् ।
कप्तान पारस खड्काको भनाईअनुसार निलम्बनमा रहेको नेपाल क्रिकेट संघलाई फुकुवा गर्नुपर्ने, खेलाडीहरुको स्तरोन्नतिको साथै भौतिक पूर्वाधार राम्रो बनाउन सके अझ बढी प्रगती गर्न सक्नेमा बिश्वस्त देखिन्छन् ।
पारस भन्छन् ‘एक दिन हामी टेष्ट नेशन बन्छौं । हुनसक्छ यसका लागि ८–१० वर्ष पर्खनु पर्ला । मन हानु हुन्न, त्यो दिन आउँछ ।’