‘मेस्सी आर्ट’ मा नेपाली कलाकार विजेता
काठमाडौं, ७ चैत : बार्सिलोना तथा अर्जेन्टनाका चर्चित स्टाइकर लियोनेल मेस्सीले आयोजना गरेको ‘मेस्सी आर्ट’ प्रतियोगितामा नेपाली कलाकार विजयी बनेका छन् ।
अनलाइन भोटिङमार्फत नेपालका सनिल चित्रकार विजयी बनेका हुन् । विजेताले मेस्सीले हस्ताक्षर गरेको जर्सी प्राप्त गर्नेछन् । उनको चित्रलाई सान्ट जोन डि डेउ अस्पताललाई लिलामीका लागि प्रदान गरिने जनाइएको छ ।
लिलामीबाट उठेको रकम क्यान्सरपीडित बालबालिकाका लागि प्रयोग गरिने छ । लियोनेल मेस्सी स्वयम्ले आफ्नो आधारिक फेसबुक पेजबाट विजेताको घोषणा गरेका हुन् । उनले यसमा २५ हजारभन्दा बढी भोट प्राप्त भएको जानकारी पनि दिएका छन् ।
