मजदुरको आन्दोलनले नेपाल एयरलाइन्सका सबै उडान बन्दै, यात्रु समस्या
काठमाडौं, २९ चैत : नेपाल वायुसेवा निगमका मजदुरले त्रिभुवन अन्तर्राष्ट्रिय विमानस्थलमा आन्दोलन गरेपछि विमानस्थल ठप्प भएको छ ।
मजदुरका माग पूरा नभएसम्म निगमका जहाज उड्न नदिने बताइएको छ । विहान ५ बजेदेखि काम काज छोडेर धर्नामा बसेका ४ सय मजदुरहरु ग्राउण्ड ह्याण्डलिङमा काम गर्दै आएका छन् । हाल निगमका आन्तरिक तथा बाह्य कुनै पनि उडान हुन नसकेपछि यात्रुहरु मर्कामा परेका छन् । मजदुरको स्थायी हुनुपर्ने, स्वास्थ्य विमा, संचयकोषलगायत माग राख्दै मजदुरले हड्ताल गरेका हुन् ।