काबुलमा आत्मघाती बम विष्फोट, ३१ बढीको मृत्यु
काठमाडौं, ९ वैशाख । अफगानिस्तानको राजधानी काबुल नजिकै रहेको एउटा मतदाता नामावली दर्ता केन्द्रमा आत्मघाती बम विष्फोट हुँदा कम्तीमा ३१ जनाको ज्यान गएको छ ।
नामावली दर्ता केन्द्रको ढोकामा मानिसहरुको भिड लागेकै बेला भएको विष्फोटमा परी ५० जनाभन्दा बढी घाइते भएको बीबीसीले जनाएको छ । चरमपन्थी समूह इस्लामिक स्टेटले घटनाको जिम्मेवारी लिएको छ । यसै महिना हुने संसदीय निर्वाचनका लागि गएको अक्टोबरबाट अफगानिस्तानमा मतदाता नामावली दर्ता कार्यक्रम भइरहेको छ । एजेन्सी
