यी भारतीय अर्बपति जसको किचनमा नेपाली खाना पाक्छ
काठमाडौं ११ वैशाख: भारतीय मुलुकका सफल व्यवसायी हुन् मुकेश अम्बानी अर्थात् धिरुभाइ अम्बानीका सुपुत्र । उनी भारतीय मुलुकको धनाढ्य व्यक्ति हुन् । उनी भारतीय मूलकका अर्बपतिको शीर्ष स्थानमा पर्छन् । सबैको चासोको विषयनै हुन्छ धनाड्यहरुको जीवन शैली कस्तो हुन्छ । तर, अम्बानीको भने साधारण जीवन शैलीको कारण बारम्बार चर्चामा छाइरहन्छ । कारण हो उनले खाने खाना सामान्य हुन्छ । उनलाई नेपाली खाना पनि मन पर्ने आइटम हो । त्यसैले उनले किचनामा नेपाली राखेका छन् ।
आज हामीले यहाँ अर्बपचि मुकेश अम्बानीको बारेमा भारतीय सञ्चारमाध्यकहरुले उल्लेख गरेको जीवन शैलीको बारेमा चर्चा गरेका छौँ ।
अम्बानी सधैँ बिहान ५ बजे नै उठिसकेका हुन्छन् । त्यसपछि उनी घरैकै जिम हाउसबाट सुरु गर्छन् दैनिकी । बिहान ६ बजेसम्म मुकेश जिम पुगिसक्छन् । जिमपछि उनी फ्रेस हुन्छन् । उनको परिवारका सबै सदस्यलाई छुट्टै जिम हल छन् ।
उनको चाहिँ दोस्रो तलामा छ । त्यहाँ नै उनका लागि स्विमिङ पुल पनि छ । जिमपछि नियमित स्विमिङ गर्छन् । उनले बारम्बार बताउँदै आएका छन् आफ्नो सफलताको कडी स्वास्थ्य भएको । त्यसपछिको समय उनी पत्रपत्रिकालाई दिन्छन् । उनी भारतको मात्रै होइन, विश्वकै राजनीतिलाई नजिकबाट अध्ययन गर्छन् । त्यसमा उनलाई निकै चासो पनि छ ।
पत्रपत्रिका र जिमलाई डेढ घण्टा समय दिएपछि सुरु हुन्छ, अम्बानीको ब्रेकफास्ट । १९ औँ तलामा ब्रेकफास्ट लिन पुग्छन् । ब्रेकफास्टमा जुस, दाल, रोटी, दही जस्ता हलुका खाना खान मनपराउँछन् उनी । एक घण्टा ब्रेकफास्टमा बिताएपछि उनी अफिसका लागि तयार हुन्छन् । अम्बानीको फेभरेट ड्रेस सेतो सर्ट र डार्क प्यान्ट हो । उनी १४ औँ तलामा अफिसका लागि रेडी हुन्छन् र २१ औँ तलाको अफिसमा पुग्छन् । त्यो उनको पर्सनल अफिस हो । त्यहाँ उनले दिनभरका लागि चाहिने कागजपत्र राखेका हुन्छन् ।
१० बजे आमाको आर्शिवाद लिएर उनी श्रीमतीलाई भेट्न १६ औँ तलामा पुग्छन् । त्यहाँबाट १३ औँ तलामा छोराछोरीलाई भेटेपछि उनी अफिस जान तेस्रो तलाको पार्किङमा झर्छन् । उनको पार्किङमा दर्जनौँ गाडी हुन्छन् । तर, उनको प्राथमिकता चाहिँ २ करोड पर्ने मर्सिडिज हो । उनी त्यो मर्सिडिज लिएर कहिले ड्राइभरसँग त कहिले एक्लै अफिस हिँड्छन् ।
बिहान ११ बजेदेखि राती १० बजेसम्म मुकेश अफिसलाई समय दिन्छन् । अफिस पुग्दा उनको दिनभरको कामको चेकलिस्ट तयार भइसकेको हुन्छ । त्यसपछि उनी त्यही काममा लाग्छन् । हरेक सोमबार उनी आफ्नो चेकलिस्टलाई एक पटक हेरेरै छाड्छन् । रमाइलो चाहिँ मुकेशलाई अफिसका कर्मचारी सबैको नाम राम्रोसँग याद छ ।
राती १० बजे अफिसबाट निस्किएपछि उनी १५ औँ तलामा ड्रेस चेन्ज गर्छन् । त्यसपछिको दुई घण्टा उनको डिनर टाइम हो । १९ औँ तलामा डिनर गरेपछि उनले परिवारलाई समय दिन्छन् ।
डिनरमा मुकेशलाई रोटी, तरकारी, दाल, भात तथा सलाद बनेका हुन्छन् । साताको एक दिन मुकेशलाई साउथ इन्डियन खाना खान मन पर्छ । गुजराती खाना पनि उनको प्राथमिकतामा पर्छ । मुकेशको भान्सामा खाना बनाउने व्यक्ति चाहिँ नेपाली हुन् । उनलाई नेपाली खाना मन पर्ने भएका किचनमा नेपालीहरूलाई नै राखेका छन् ।
मुम्बई विश्वविद्यालयबाट इन्जिनियरिङमा बिएससी गरेका मुकेशले अहिले प्रति सेकेन्ड ४८०० नेपाली रुपैयाँ कमाउँछन् । आश्चर्य लाग्न सक्ने कुरा के भने मुकेशले भारतीय फिल्म हेर्न छुटाउँदैनन् । उनी बलिउड फिल्मका क्रेजी फ्यान हुन् ।
उनले बनाएको २७ तले घर विश्वकै महँगा आवासीय घरहरूमा पर्छ । सन् २०१० मा एक खर्ब ५ अर्बमा ७ वर्ष लगाएर बनाएको यो घरमा काम गर्ने मानिसहरू मात्रै ६ सय जना छन् । अहिले भारतीय टिभी च्यानलहरू हेर्ने वा इन्डियन प्रिमियर लिग हेर्ने सबैले सुनेको हुनुपर्छ– जियो । अहिले भारतीय टेलिकमुनिकेसन अफिस जियोका मालिक हुन् मुकेश अम्बानी ।
रिलायन्स इन्ड्रस्ट्रिजको सफलतासँगै मुकेशले सुरु गरे जियो । मुकेशले सुरु गरेको जियोले छोटो समयमा नै कति सफलता पाएको छ भने यसका प्रयोगकर्ता भारतमा १८ करोड पुगिसकेका छन् । फच्र्युन म्यागेजिनले टप फिफ्टी लिडरको सुचीमा मुकेशलाई पनि समावेश गरेको छ । सन् १९५७ मा जन्मिएका मुकेशको जन्मदिनमा नै २०१६ अप्रिल १९ मा जियोको सुरुवात गरिएको थियो ।
