ज्याकलिन फर्नान्डिज दुर्घटनामा परिन्
मुम्बइ, २९ वैशाख । बलिउड अभिनेत्री ज्याकलिन फर्नान्डिज कार दुर्घटनामा परेकी छिन् । शुक्रबार राती सलमान खानको घर ग्यालेक्सी अपार्टमेन्टबाट फर्किने क्रममा उनको कार दुर्घटना भएको हो ।
शुक्रबार राती सलमानको घरमा पार्टी थियो । फिल्म रेस–३ को सुटिङ सकिएपछि सलमानले रेस–३ का सबै टिमको लागि पार्टी राखेका थिए ।
स्पटब्वायको रिपोर्टका अनुसार रातको पौने ३ बजे मुम्बइ बान्द्राको कार्टर रोडमा दुर्घटना भएको बताइएको छ । ज्याकलिनको कार अटोरिक्सासँग ठोक्किएको थियो । अटोरिक्शा चालकले मदिरा पिएर अटो चलाइरहेको बताइएको छ ।
