अब जिल्लामा ६ कार्यालय मात्र रहने, कुन-कुन कार्यालय रहने ? (सूचीसहित)


६ जेष्ठ २०७५, आईतवार
sanghiya संघीय स्थानिय विकास तथा सामान्य प्रशासन मन्ज्ञालय 2

काठमाडौं, ६ जेठ । अब जिल्लामा ६ वटा मात्र सरकारी कार्यालय रहने भएका छन् । संविधान अनुसार संघद्वारा सञ्चालित छ वटा मात्र जिल्ला कार्यालय रहने संघीय मामिला तथा सामान्य प्रशासन मन्त्रालयका प्रवक्ता सुरेश अधिकारीले जानकारी दिएका छन् ।sanghiya संघीय स्थानिय विकास तथा सामान्य प्रशासन मन्ज्ञालय 2

उनका अनुसार जिल्ला प्रशासन, कोष तथा लेखा नियन्त्रण कार्यालय, जिल्ला निर्वाचन कार्यालय, जिल्ला हुलाक कार्यालय, जिल्ला अदालत र जिल्ला प्रहरी कार्यालय मात्र रहने छन् । जिल्ला तहमा रहेका अन्य कार्यालय स्थानीय तहको अधिकार क्षेत्रभित्र पर्ने भएकाले ती कार्यालय स्थानीय सरकार अन्तर्गत हुने भएका छन् । ती ६ वटा कार्यालय बाहेक अन्य कार्यालय स्थानीय तह अन्तर्गत मन्त्रालयले निर्देशन समेत दिइसकेको छ ।

प्रवक्ता अधिकारीले हाललाई जिल्ला मालपोत र जिल्ला नापी कार्यालय जिल्ला तहमा रहेपछि स्थानीय तहको अधिकारमा जाने बताएका छन् । ‘अहिले स्थानीय तहले जग्गासम्बन्धी काम गर्न सक्ने अवस्था छैन’, उनले भने, ‘त्यसैले तत्कालका लागि केन्द्र सरकार अन्तर्गत रहे पनि पछि स्थानीय सरकार मातहतमा जान्छन् ।’ उनले जिल्लामा रहने कार्यालयलाई यथास्थितिमा सञ्चालन हुने समेत जानकारी दिएका छन् । पहिले करीब ३० वटा जिल्ला कार्यालय रहेका थिए ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७