सन्दिपले लिए पहिलो ओभरमै मुम्बईको पहिलो विकेट
काठमाडाैं,जेठ ६ । आईपीएल क्रिकेट २०१८ को आफ्नो अन्तिम खेलमा नेपालका सन्दिप लामिछानेले पहिलो ओभरमै विकेट लिएका छन् ।
ओपनिङ बलिङ गरेका सन्दिपले सुर्यकुमार यादवको विकेट लिएका हुन् । निकै आक्रामक शुरुवात गरेका सुर्यकुमारले सन्दिपका ३ बलमा १२ रन लिएका थिए ।
चौथो बलमा पनि ठुलो शट हान्न खोज्दा उनी विजयशंकरको हातबाट क्याच आउट भए । सुर्यकुमारले सन्दिपको पहिलो बलमा चौका, दोश्रोमा छक्का, तेश्रोमा २ रन लिएका थिए ।
