डी–सिने अवार्डमा अनमोल र नीता उत्कृष्ट, कसले कुन अवार्ड पाए ? (सूचीसहित)


११ जेष्ठ २०७५, शुक्रबार
anmol and neeta

काठमाडौं, ११ जेठ । छायाँछवि क्रियशनद्वारा बिहीबार राजधानीमा डी सिने अवार्डको दशौं संस्करण सम्पन्न भएको छ । ‘हाम्रै कला, हाम्रै संस्कृति, हाम्रै सिनेमा सभ्य, भव्य, सुसंस्कृत चलचित्रको चाहना’ भन्ने नारासहित अवार्ड प्रदान गरिएको हो ।anmol and neeta

अवार्डमा फिल्म कृबाट अनमोल केसी र फिल्म पञ्चायतबाट नीता ढुङ्गाना उत्कृष्ट नायक–नायिका घोषित भएका छन् । छायाँछवि क्रियशनले डी सिने अवार्डको अवसर पारेर हरेक वर्ष प्रदान गर्दै आएको सम्मान एवम् पुरस्कार यस वर्ष हाँस्यकलाकार बसुन्धरा भुसाललाई लाइफटाइम लिजेन्ड्री, प्रदर्शक एवम् वितरक नरेन्द्र महर्जन र कलाकार मैसमी मल्ललाई रजत सम्मान एवम् श्याम अर्याललाई पत्रकारिता पुरस्कार प्रदान गरियो ।

न्युन कलाकारहरुको उपस्थिति रहेको अवार्ड समारोहमा नायक अनमोल केसी, भुवन केसी, नायिका नीता ढुङ्गाना, नायक पुष्पल खड्का, नायिका शिल्पा पोखरेल लगायत सहभागी थिए । विभिन्न २९ विधाका अवार्डसहित जुरी अवार्ड, क्रिटिक्स अवार्ड, इनकरेजमेन्ट अवार्ड, पब्लिक च्वाइस अवार्डसहित छायाँछवि फिल्मकर्मी रजत सम्मान पुरुष र महिला, छायाँछवि फिल्म पत्रकारिता पुरस्कार, छायाँछवि लिजेन्ड्री सम्मान पनि कार्यक्रमका अवसरमा प्रदान गरिएको थियो ।
सम्पन्न अवार्डमा जुरीका रुपमा लेखक र निर्देशक मोहन निरौला, पत्रकार र निर्देशक डब्बु क्षेत्री, निर्देशक राजेन्द्र उप्रेती, सङ्गीतकार सन्तोष श्रेष्ठ एवम् निर्देशक र सिनेमाटोग्राफर सवनम मुखिया रहेका थिए।

अवार्ड चुम्न सफल विधा र कलाकारहरु सूची

उत्कृष्ट चलचित्र ( कृ )
उत्कृष्ट निर्देशक (मिलन चाम्स (लिलीविली)
उत्कृष्ट पपुलर चलचित्र – छक्का पन्जा २
उत्कृष्ट अभिनेता (अनमोल केसी ( कृ)
उत्कृष्ट अभिनेत्री – नीता ढुंगाना (पंचायत)
उत्कृष्ट सम्पादक – मित्रदेव गुरूङ ( मंगलम)
उत्कृष्ट छायाँकार – पुरूषोत्तम प्रधान ( कृ)
उत्कृष्ट सहअभिनेता – सलोन बस्नेत ( ए मेरो हजुर २)
उत्कृष्ट सह अभिनेत्री – वर्षा राउत (छक्का पन्जा २)
उत्कृष्ट चरित्र अभिनेता – पुष्कर गुरूङ (घामपानी)
उत्कृष्ट चरित्र अभिनेत्री – मिथिला शर्मा (मंगलम)
उत्कृष्ट नवनिर्देशक – झरना थापा (ए मेरो हजुर २)
उत्कृष्ट नवनायक – सलिनमान बानियाँ (ए मेरो हजुर २)
उत्कृष्ट नवनायिका – जसिता गुरूङ (लिलीविली)
उत्कृष्ट संवाद – दीपेन्द्र लामा (घामपानी)
उत्कृष्ट पटकथा – प्रदीप भारद्वाज (लिलीविली)
उत्कृष्ट कथा – नवराज वुढाथोकी (भुइँमान्छे )
उत्कृष्ट खलपात्र – प्रशान्त ताम्राकार (ऐश्वर्य)
उत्कृष्ट हास्यकलाकार – केदार घिमिरे (छक्का पन्जा २)
उत्कृष्ट बालकलाकार – कुशाग्र भट्टराई (पिंजडा ब्याक अगेन)
उत्कृष्ट द्वन्द्व निर्देशक – हिमाल केसी (रूद्र)
उत्कृष्ट नृत्य निर्देशक – कविराज गहतराज (२ रूपैयाँ, कुटुमा कुटु)
उत्कृष्ट संगीतकार – राजनराज शिवाकोटी (२ रूपैया, कुटुमा कुटु)
उत्कृष्ट गायक – सुगम पोखरेल (ऐश्वर्य, तिमी रोएको पल)
उत्कृष्ट गायिका – बिन्दु परियार (पर्ख पर्ख, मंगलम)
उत्कृष्ट गीतकार – धीरेन्द्र प्रेमर्षि (संरक्षण, सम्झनाको सारंगी)
उत्कृष्ट ध्वनिमिश्रण – सुनयमान श्रेष्ठ (संरक्षण)
उत्कृष्ट पार्श्व संगीत – एलिश कार्की (लिलीविलि)
उत्कष्ट एनिमेशन – ग्लेज इन्टरटेन्मेन्ट (कृ)
क्रिटिक्स अवार्ड – नायक पुष्पल खडका (मंगलम)
क्रिटिक्स अवार्ड – चलचित्र व्लाइण्ड रक्स
जुरी अवार्ड – निर्देशक नवल नेपाल (मंगलम)
इन्करेज अवार्ड – निर्देशक पु्र्णेन्दु झा (संरक्षण)

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७