गायक शिव परियार मोटरसाइकल दुर्घटनामा, ग्राण्डी अस्पतालमा उपचार हुँदै
काठमाडौं, १३ जेठ । गायक शिव परियार मोटरसाइकल दुर्घटनामा परेका छन् । काठमाडौंको बसुन्धारामा आइतबार बिहान भएको मोटरसाइकल दुघर्टनामा परियार घाइते भएका हुन् ।
उनले चलाएको बा ८० प ९९९८ नम्बरको मोटरसाइकललाई पछाडिबाट आएको बा ७८ प ८५११ नम्बरको मोटरसाइकले ठक्कर दिएपछि दुर्घटना भएको हो । बसुन्धारास्थित ग्राण्डी अस्पतालमा उपचार गराइरहेका परियारको दाहिने खुट्टामा चोट लागेको जनाइएको छ ।