विद्यार्थी फेल भए अब शिक्षकलाई कारबाही
काठमाडाैं, १४ जेठ । काठमाडौं महानगरपालिकाले सार्वजनिक शिक्षा सुधार गर्न विद्यार्थी अनुत्तीर्ण भएमा शिक्षकको तलब वृद्धि रोक्का गरिने प्रावधानसहितको शिक्षा नियमावली ०७४ कार्यान्वयनमा ल्याएको छ । अाजकाे नागरिक दैनिकमा खबर छ ।
तस्बिर : गुगल ।
राजपत्रमा विद्यालय शिक्षा व्यवस्थापन नियमावली २०७४ जारी गरी सो व्यवस्था गरिएको छ । नियमावलीमा कुनै पनि शिक्षकले अध्यापन गराएको विषयमा लगातार तीन वर्षसम्म १५ प्रतिशतभन्दा बढी विद्यार्थी अनुत्तीर्ण भएमा त्यस्ता शिक्षकको तलब वृद्धि दुई वर्षसम्म रोक्का गरिने प्रावधान छ ।
