बलिउड अभिनेत्री दीपिका पादुकोण बस्ने टावरमा भिषण आगलागी, यसरी बचिन्
काठमाडौं, ३० जेठ । बलिउड अभिनेत्री दीपिका पादुकोण बस्ने मुम्बईस्थित ३३ तलाको बिल्डिङमा भिषण आगलागी भएको छ ।
बिउमण्डे नामको बिल्डिङको ३२ औं तलामा आगलागी भएको हो । त्यस भवनमा आज दिउँसो २ बजेतिर आगो लागेको थियो ।
आगो निभाउनका लागि घटनास्थलमा प्रहरीका साथै दर्जनौं दमकल खटाइएका छन् । आगलागी भएको तला पूर्णरुपमा क्षतिग्रस्त भइसकेको छ । अहिलेसम्म मानवीय क्षतिको कुनै खबर भने आएको छैन ।
बिल्डिङको २८ औं तलामा अभिनेत्री दीपिका पादुकोणको फ्ल्याट रहेको छ । आगलागीको समयमा अभिनेत्री दीपिका घरमा थिइनन् । उनी कुनै कम्पनीको विज्ञापनको छायाँकनका लागि घर बाहिर गएकी थिइन् । दीपिकाले सन् २०१० मा १६ करोड रुपैयाँमा उक्त बिल्डिङको फ्ल्याट किनेकी थिइन् ।
