कानून संकायको डीन कार्यालयमा तालाबन्दी
काठमाडौं,२७ असार: खुला प्रणाली माग राख्दै कानून संकायको डीन कार्यालयमा स्वतन्त्र विद्यार्थीहरुले बुधबार डीन कार्यालयमा तालाबन्दी गरेका छन् ।
केही महिनायता नेपाल ल क्याम्पसमा तीन वर्षे एलएलबी प्रथम वर्षको भर्ना सम्बन्धमा डीन कार्यालयले गरेको कार्यले आफूहरु मर्माहत भएको भन्दै स्वतन्त्र विद्यार्थीहरुले बुधबार डीन कार्यालयमा तालाबन्दी गरेका छन् ।
पहिलेको जस्तै खुला प्रणाली अन्तगृत भर्ना नलिइ विभिन्न बहाना निकाली कानून संकायका डीनकै संलग्नतामा आफू निकटका विद्यार्थीहरुलाई प्रश्नपत्र आउट गरेर प्रवेश परीक्षा लिएको आरोप विद्यार्थीको छ ।
डीन कार्यालयको निर्णयका कारण हजारौं विद्यार्थीहरुको पढ्न पाउने अधिकार खोसिएको भन्दै विद्यार्थीले भर्ना प्रकृया अघि नबढेसम्म तालाबन्दी कायमै रहने बताएका छन् ।