सन्नी लियोनीविरुद्ध प्रशासनमा उजुरी, सन्नीको वायोपिकले बिच्किए सिख
काठमाडौं, २९ असार । सन्नी लियोनीको बायोपिक फिल्मको ट्रेलर सार्वजनिक भएसँग उनी विवादमा तानिएकी छन् । सनी लियोनीको बायोपिक फिल्ममा राखिएको नाम (करनजीत कौर) लाई लिएर सिख समुदायले फिम्मप्रति आपत्ति जनाएका छन् ।
वयस्क फिल्मबाट बलिउडमा इन्ट्री मारेकी सन्नी स्वयम्ले यस फिल्ममा अभिनय गरेकी छिन् । फिल्मको नाममा राखिएको कौर शब्द सिख समुदायले आफ्नो नामको पछाडि राख्ने गर्दछन् ।
उनीहरुले सन्नीको वायोपिकले सिख समुदायको भावनामा चोट पुर्याएको भन्दै धर्म बदली सकेकी सन्नीले कौर शब्द राख्नु गलत भएको बताउँदै यसकाबिरुद्ध उक्त समुदायले प्रशासनमा उजुरी दिने बताएका छन् ।
सन्नी लियोनीमाथि बनेको यस वेब सिरिजको १६ जुलाईबाट शुरू गरिने बताइएको छ । आदित्य दत्तले निर्देशन गरेको यस फिल्ममा पहिलो पटक कोही अभिनेत्री आफ्नै पोर्न फिल्मी करियरमा आधारित भएर बायोपिकमा अभिनय गर्दैछन् ।