बेल्जियमलाई विश्वकपको तेस्रो स्थान, इंल्याण्ड २–०ले पराजित
काठमाडौं, ३० असार (एजेन्सी) । रसियामा जारी विश्वकपमा बेल्जियमले तेस्रो स्थानमा रहन सफल भएको छ । सेन्ट पिटरवर्ग रंगशालामा भएको खेलमा बेल्जियमले इङ्ल्याण्डलाई २–० गोलले हराउँदै उसका लागि ऐतिहासिक उपलब्धि हात पार्न सफल भएको हो ।
जितसँगै यस विश्वकपमा कास्यपदक हात पारेका छन् । सन् १९३०मा पहिलो पटक विश्वकपमा सहभागिता जनाउन सुरु गरेको बेल्जियमले पहिलो पल्ट यो उपलब्धि हात पारेको हो । यसअघि सन १९८६ मा चौथों हुन सफल भएको थियो ।
ऐतिहासिक उपलब्धि हासिल गर्दा इंग्ल्याण्डविरुद्ध बेल्जियमका थोमस म्युनियर र इडन हार्जार्डले गोल गरेका थिए । खेलको ३ मिनेटमा नासिर चादिलले कर्नरको क्षेत्रबाट दिएको पासलाई थोमस म्युनियरले क्रस गर्दै गोल बेल्जियमका लागि अग्रता दिलाएका थिए । यो गोलसँगै म्युनियर यस विश्वकपमा बेल्जियमका लागि गोल गर्ने १० औं खेलाडी बने ।
यस्तै पहिलो हाफमा १–० को अग्रता लिएको बेल्जियमका लागि इडन हार्जाडले ८१ औं मिनेटमा दोस्रो गोल गर्दे अग्रता दोब्बर पारे । डी बक्सभित्र इंग्ल्याण्डका फिल जोन्सलाई पछि पार्दै गोल गरेका थिए ।
बेल्जियम सेमिफाइलनमा फ्रान्ससँग पराजित भएको थियो । भने इङ्ल्यान्डलाई क्रोएसियासँग पराजित भएको थियो ।