नेपालको हैम्पसायरमाथि २ सय ४३ रनको सानदान जित, पारस र ललितको उत्कृष्ट प्रदर्शन
लण्डन, ५ साउन । युरोप भ्रमणमा रहेको नेपाली क्रिकेट टोलीले पहिलो अभ्यास खेलमा सानदार जित हात पारेको छ । शनिबार राति सम्पन्न खेलमा हैम्पसायर होग्सलाई २ सय ४३ रनको फराकिलो अन्तरले जित हात पारेको हो ।
टस जितेर पहिले ब्याटिङ गरेको नेपालले ५० ओभरमा सबै विकेट गुमाएर दिएको ३ सय ६३ रनको लक्ष्य पछ्याएको हैम्पसायरले ३७.१ ओभरमा सबै विकेट गुमाएर १ सय १९ रनमात्रै बनाए ।
नेपालको जितमा कप्तान पारस खड्का र ललित नारायण राजवंशीले उत्कृष्ट गरे । नेपाल लागि पारस खड्काले कप्तान पारसले डेढ सय रनको उत्कृष्ट पारी खेले । उनले १ सय ६ बलको सामना गर्दै १ सय ६१ रन बनाए । उनले १९ चौका र ७ छक्का प्रहार गरे ।
यस्तै रोहित पौडेलले ४४ (३४बल) रन, ३७ (४६) रन, आरिफ सेखले २७(२५), करण केसी १८(११), सन्दीप लामिछाने १६(१३), ललितसिंह भण्डारीले १६(१७), शरद भेषावकरले १४(१७), ज्ञानेन्द्र मल्लले ५(११) र सुवास खकुरेलले ११(१७) रन जोडेका थिए ।
हैम्पसायरका लागि मिलेस कभर र जोन पोर्टोलले ३–३ र जेम्स विल्केस ग्रिनले २ विकेट लिएका थिए ।
यस्तै नेपालका लागि बलिङमा ललित राजवंशीले हैम्पसायरको पाँच विकेटसहित उत्कृष्ट स्पेल गरे । ललितले १० ओभर बलिङ गर्दै ४ ओभर मेडन राखेर ३४ रन खर्चदै ५ विकेट लिए । नेपालका लागि बलिङमा सन्दीप लामिछाने र दीपेन्द्रसिंह ऐरीले २–२ विकेट लिए ।
होग्सका लागि ह्यारी फिसरले ३३ रन र टिम बाउचरले २२ रन जोडे अन्यले दोहोरो स्कोर गर्न सकेन् ।
नेपालले जुलाई २९ तारिखमा लर्डसमा नेदरल्याण्ड्स र मेरिलेबन क्रिकेट क्लब(एमसीसी)सँगको त्रिकोणात्मक टी–२० र त्यसपछि नेदरल्याण्डसविरुद्धको ऐतिहासिक एक दिवसीय श्रृखंलाको खेल्नेछ ।
त्यसका लागि नेपालको अन्य विभिन्न क्लबसँग थप तीनवटा अभ्यास खेल खेल्दै लर्डसमा त्रिकोणात्मक सिरिज खेल्ने कार्यक्रम छ । जुलाई २३ मा सेन्ट क्रससँग टी–२०, २५ जुलाईमा इष्ट लण्डनसँग ५० ओभरको खेल र जुलाई २६ मा इष्ट लण्डन सार्कसँग टी–२० को अभ्यास खेल खेल्नेछ ।
याे पनि पढ्नुहाेस्
हैम्पसायरविरुद्ध पारसले बनाए डेढ सय रन
पहिलाे इनिङ
दाेस्राे इनिङ