पैसाका लागि आफ्नै भाइले बेच्थे सनी लियोनीको ‘न्यूड’ फोटो
काठमाडौं, १० साउन । आफ्नै दिदीको नग्न (न्यूड) फोटो कोही भाइले बेचेर पैसा कमाउँछ ? फोटो बेचेर पैसा कमाउनु त होइन, आफ्नो दिदीको न्यूड फोटो फेला मात्र पर्नु नै एउटा भाइका लागि दुर्भाग्यको कुरा हो ।
तर, पोर्न संसार हुँदै भारतीय फिल्मी क्षेत्रमा प्रवेश गरेकी नायिका सन्नी लियोनीको न्यूड फोटो भने उनको आफ्नै भाइ सन्दिपका लागि भने कमाइको माध्यम बन्ने गरेको थियो । सन्नी लियोनीको वायोपिकले सन्नीको जीवनसम्बन्धी यो प्रसङ्गलाई पनि उठान गरेको छ ।
बलिउड अभिनेत्री सन्नी लियोनी यतिबेला आफ्नो बायोपिक ‘करणजित कौर’ का कारण चर्चामा छिन् । यो वेब सिरिजका रुपमा आएको यो बायोपिकले उनको जीवनका धेरै रहस्यहरु उद्घाटित गरिदिएको छ । गाउँकी एउटी सोझी केटी करणजित अश्लिल चलचित्रकी नायिका सन्नी लियोनी कसरी बनिन् भन्ने फिल्मले उजागर गरेको छ ।
करणजितदेखि सन्नी लियोनीसम्मको यात्रामा एव्म महत्वपूर्ण पात्र हुन् उनका भाइ सन्दिप । ‘सन्नी लियोनी’ भनेर नामाकरण उनैले गरेका रहेछन् । हाल उनी अमेरिकामा कुकको काम गरिरहेका छन् । सन्नीले सन् २०१३ मा पेन्टाहाउसमा ‘पेट अफ द इयर’ को उपाधि जितेपछि अमेरिकामा उनको फ्यान फलोइङ ह्वात्तै बढेको थियो । फ्यानहरु उनको अटोग्राफ लिन र तस्वीर संकलन गर्न आतुर थिए ।
तर धेरैको पहुँच थिएन । यस्तोमा सन्दिपले आफ्नी दिदीको अर्धनग्न र नग्न फोटोमा अटोग्राफ लिएर साथीभाईहरुमार्फत बजारमा बेच्ने गरेका थिए । उनी एउटा फोटोबाट ४०–५० डलरसम्म कमाउँथे ।
सन्नीले पहिलो पटक न्यूड फोटोसेसन गराउँदा सन्दिप त्यहाँ उपस्थित थिए । दिदीको यस कार्यमा उनले कुनै आपत्ति जनाएनन् बरु साथ दिए । पेन्टहाउस म्यागजीनका लागि सो फोटोसेसन भएको थियो । त्यतिबेला सन्नीको नाम करणजित नै थियो । निर्देशकले फोटोअनुसार नाम नसुहाएको भन्दै बदल्न सुझाव दिए । र, सन्दिपले नै सन्नी लियोनी नाम सुझाए । एक प्रख्यात इटालियन निर्देशक सर्जियो लियोनीको थर उनले दिदीका लागि प्रयोग गरेका थिए । यो नाम सन्नीलाई निकै फाप्यो र उनी पोर्न इन्डष्ट्रीमा चर्चित बनिन् । एजेन्सी
