विश्व फुटवलका महँगा नेइमार चीनमा, किन आए चीन ?
काठमाडौं, १७ साउन । सिङ्गगापुर गएका पेरि सेन्ट जर्मेन (पीएसजी) का नेइमार त्यता–त्यतै चीन आइपुगेका छन् । प्रि–सिजन टुरमा निस्किएको पेरि सेन्ट जर्मेन (पीएसजी) को टोलीसँगै सिङ्गापुर पुगेका नेइमार सुटुक्क चीन आएका हुन् ।
उनले सिंगापुरमा रहँदा आर्सनल, बार्यनम्युनिख र एथलेटिको मड्रिडविरुद्ध खेली सकेका छन् । उनी अब मोनकाविरुद्धको खेल्नका लागि चीन आएका हुन् । विश्व फुटबलका महँगा ब्राजिलियन स्टार नेइमार जुनियर, क्याप्टेन थियागो सिल्भा, डिफेन्डर मार्किन्योसलगायतका पहिलो रोजाइका खेलाडी चीन पुगेको अन्तर्राष्ट्रिय सञ्चार माध्यमले जनाएका छन् ।
सिङ्गापुर यात्रामा प्रशिक्षक टुचेलले दोस्रो रोजाइका खेलाडीलाई मैदानमा उतारेका थिए । तर चीन यात्रामा भने नेइमारसहितका पहिलो रोजाइका खेलाडीलाई बोलाएका छन् । नेइमार सम्मिलित पिएसजीले शनिबार चीनको सेन्जेनमा मोनाकोसँग च्याम्पियन्स ट्रफीको लागि खेल्ने छ । जुन नयाँ प्रशिक्षक थोमस टुचेलका लागि पहिलो आधिकारिक खेल हुनेछ । च्याम्पियन्स ट्रफीका लागि नेइमार पनि टिमसँगै हुने प्रशिक्षक थोमस टचेलले पुष्टि गरेका छन् ।