सेनाका चार महासेनानी सहायक रथीमा बढुवा
काठमाडौं, २५ साउन । नेपाली सेनामा ४ जना महासेनानीको सहायक रथीमा बढुवा सिफारिस भएको छ ।
बढुवा हुनेमा महासेनानीहरु सुरेन्द्रसिंह रावल, प्रेमध्वज अधिकारी, दिपक कुमार बानियाँ र शंकरबहादुर पण्डित छन् ।
त्यसैगरी प्राविधिक महासेनानी अमुल कार्कीढली प्राविधिक महासेनानीमा बढुवा भएका छन् ।
बढुवा सिफारिस भएका महासेनानीहरु रावल, अधिकारीे बानियाँ र पण्डित सबै २७ बेसिकका अधिकृत हुन् । बढुवा समितिले गरेको सिफारिस प्रधानसेनापतिले सदर गरेपछि १५ दिने सूचना समेत प्रकाशित गरिएको छ ।