अटल सौभाग्यका लागि पशुपतिप्रतिको आस्था (फोटो फिचर)
काठमाडौं, २८ साउन । साउनको अन्तिम सोमबार (आज) देशभरका शिव मन्दिरहरुमा महिला भक्तजनहरुको भीड लागेको छ । उनीहरुले शिव मन्दिरमा गएर पूजाआजा गरेका छन् । हिन्दू धर्मअनुसार साउन महिनालाई शिवको महिना समेत ।
काठमाडौंको पशुपति मन्दिरमा साउनको हरेक सोमबार विशेष हुने गरेको छ । आज पशुपतिमा विहानैदेखि महिला भक्तजनहरुको भीड लागेको थियो ।
विहानभर पानी परे पनि पानीको पर्वाह नगरी उनीहरुले पशुपतिमा शिवको पूजा गरेका छन् । विहानैदेखि छाता ओढेर लाइनमा बसेका भक्तजनले पशुपतिमा शिवको पूजा गरे मनोकांक्षा पूरा हुने विश्वास व्यक्त गरेका छन् ।
साउनको सोमबारमा शिवलाई शुद्ध जल चढाउँदा मनोकामना पूरा हुने अटल सौभाग्य प्राप्त हुने धार्मिक मान्यता छ । विशेष गरी महिलाहरु हरियो पहिरनमा चुरा र मेहन्दी लगाएर भगवान शिवको पूजा आराधना गर्दै ब्रत बस्ने गर्छन् ।
आजदेखि नै बोलबम यात्रा पनि सकिएको छ । पशुपतिमा पूजा गर्न आउने महिला भक्तजनको सहजताका लागि यहाँको ट्राफिक व्यवस्थापनमा विशेष रुपमा जनशक्ति परिचालन गरिएको थियो ।
