जुम्ल्याहा शिशुलाई शौचालयको खाल्डोमा हालेर मार्ने आमा पक्राउ
काठमाडौं, १ भदौ । जुम्ल्याहा शिशुलाई शौचालयको खाडलमा फालेर भागेकी एक महिलालाई प्रहरीले पक्राउ गरेको छ ।
ताप्लेजुङको पाथिभरा याङबरक–२ की कमला बिकलाई प्रहरीले सुनसरीको इटहरीबाट पक्राउ गरेको हो । इटहरीबाट धरान जाँदै गर्दा इलाका प्रहरी कार्यालय सुनसरीको टोलीले उनलाई पक्राउ गरेको हो । डीएसपी शिवकुमार श्रेष्ठका अनुसार पक्राउ परेकी उनलाई अड्डासार गरेर ताप्लेजुङ पठाइएको छ ।
जुम्ल्याहा छोरीलाई शौचालयको खाडलमा हालेर फरार भएपछि एक छोरीको शौचालयमै र अर्कीको उपचारका क्रममा मृत्यु भएको थियो । कमला एव र्षदेखि आमासँगै माइत बस्दै आएकी थिइन् । स्थानीयले शौचालयबाट उद्धार गरिएकी एक छोरीको बिर्तामोडमा उपचारका क्रममा मृत्यु भएको थियो । अर्की छोरीको शव भने स्थानीयले शौचालयमै डुबेको अवस्थामा फेला पारेका थिए ।