अमेरिका गएकी नायिका श्वेता खड्का उतै विरामी
काठमाडौं, ११ भदौ । चलचित्र प्रदर्शनका लागि अमेरिका पुगेकी अभिनेत्री श्वेता खड्का उतै बिरामी परेकी छिन् ।
छालामा रातो डाबर आउने समस्या देखिएपछि उनले केही दिनका लागि फिल्म प्रदर्शन रोकेकी छिन् । आइतबार सामाजिक सञ्जालमा उपचाररत तस्बिर पोष्ट गर्दै उनले केही दिनदेखि बिरामी रहेकाले सामाजिक सञ्जालमा सक्रिय हुन नपाएको आफ्ना शुभचिन्तक र आफन्तलाई जानकारी दिएकी छिन् ।
आफूलाई छालाको संक्रमण भएको बताउँदै केही दिन कामबाट ब्रेक लिन चिकित्सकले सुझाएको उल्लेख गरेकी छिन् । उनले आफ्नो फिल्मको टिम, आयोजक, परिवार, साथी र शुभचिन्तकलाई धन्यवाद दिँदै अमेरिकाको फिल्म प्रदर्शन यात्रा ठूलो सफलता रहेको बताएकी छिन् ।