हलिउड अभिनेता रिचर्ड गेरेले शिल्पा शेट्टीलाई जबरजस्ती समातेर किस गरिदिएपछि…
काठमाडौं, १५ भादाै। हलिउड अभिनेता रिचड गरे अप्रिल २००७मा भारतको राजस्थान जयपुरमा आएका थिए । एड्ससम्बनिध जागरुकताका लाग आएको एक कार्यक्रममा शिल्पा शेट्टी र रिचर्ड अतिथिको रुपमा पुगेका थिए ।
त्यही कार्यक्रम चल्दै गर्दा शिल्पा रिचर्डको हात समातेर मञ्चमा पुगिन् र केही बोल्न लागिन् । त्यही बेला रिचर्डले शिल्पाको हात समाते र हातमा किस गरे । त्यसपछि उनले शिल्पालाई जबरजस्ती समातेर उनको गालामा किस गर्न थाले । अचानक भएको यो घटनाले शिल्पा पनि चकित परिन् र घटनालाई सम्हाल्ने कोसिस गर्न थालिन् ।
उनले किस गर्ने ६९ वर्षका रिचर्ड गेरेको आज जन्मदिन हो । उनको जन्म अमेरिकाको फिलाडेल्फियामा ३१ अगष्ट १९४९ मा भएको थियो । फिल्ममा आउनु भन्दा पहिले रिचर्ड थिएटरमा काम गर्थे । उनको डेब्यू फिल्म ‘लुकिङ फर मिस्टर गुडबार’ थियो जो १९७७ मा रिलिज भएको थियो ।
हलिउड अभिनेता रिचर्ड गेरेलाई रोमान्टिक स्टारको रुपमा संसारभर चिनिन्छ । रिचर्डलाई भारतमा उनका फिल्मका अलावा उनको किसको विवादका कारण पनि चिनिन्छ ।
रिचर्डको यस किसिमको व्यवहारपछि उनको ठूलो विरोध भयो । रिचर्डले यही कारण सार्वजनिक रुपमा माफी माग्नुपरेको थियो । यो घटनामा रिचर्ड र शिल्पाविरुद्ध अश्लीलताको आरोपमा अदालतमा मुद्दासमेत परेको थियो । अदालतले भने यसलाई सस्तो लोकप्रियता पाउने कोसिस भन्दै मुद्दा खारेज गरेको थियो ।