फिलिपिन्सदेखि हङकङ र चीनसम्म उत्पात मच्चाउने ‘टाइफुन म्याङ्कुट’ (फोटोफिचर)
तस्बिर : एपी, एपिएफ, साउथ चाइना मर्निङ पोष्ट
काठमाडौ, ३१ भदौ (एजेन्सी) । फिलिपिन्सकाे उत्तरी क्षेत्रमा शनिबार आएको ‘टाइफुन म्याङ्कुट’ आँधीले आज (आइतबार) हङकङ र चीनको पूर्वी भेगमा उत्पात मच्चारहेको छ ।
फिलिपिन्समा आँधीमा परी मृत्यु हुनेको सङ्ख्या आइतबारसम्म ४९ पुगेको प्रहरीले जनाएको छ । आँधीपछि गएको पहिरोमा परी हराएका १९ जनाको मृत शरीरलाई शनिबार र आइतबार उद्धार गरिएको प्रहरीले बताएको छ ।
प्रहरी प्रवक्ता बेनिग्नोे दुरानाले आइतबार एक विज्ञप्ति जारी गरी मृतक सङ्ख्या ४९ पुगेको बताउनुभएको छ । यस पहिले आइतबार नै प्रहरीले दिएको जानकारीमा फिलिपिन्समा म्याङ्कुट नामक आँधीका कारण ज्यान गुमाएका नागरिकको सङ्ख्या ३० पुगेको बताइएको थियो ।
फिलिपिन्सको उत्तरी क्षेत्रमा पर्ने लुजोन टापूमा आँधीबाट सबैभन्दा बढी जनधनको क्षति भएको छ ।
राष्ट्रपतिका राजनीतिक सल्लाहकार फ्रान्सीस टोलेन्टीनोले स्थानीय एक रेडियोलाई दिएको अन्तर्वार्तामा कोर्डिलेरा प्रशासनिक क्षेत्रमा २०, नुएभा भिजाय प्रान्तमा चार जना र इलोकोज क्षेत्रमा एक जनाको मृत्यु भएको जानकारी दिए । थप अरु केहीको पनि मृत्यु भएको हुन सक्ने अनुमान छ ।
हङकङ
शनिबार बिहानदेखि आएको शक्तिशाली ‘टाइफुन म्याङ्कुट’ फिलिपिन्सको उत्तरी क्षेत्रमा पर्ने लुजोन आइल्याण्डमा सबैभन्दा बढी जनधनको क्षति गरेको छ । फिलिपिन्समा आँधीका कारण आइतबारसम्म मृत्यु हुनेको संख्या २८ पुगेको छ ।
फिलिपिन्स
)
मकाउ
यस आँधीबाट फिलिपिन्समा मात्र ४० लाख भन्दा बढीलाई प्रभावित पार्ने देखिएको छ । आँधीले रुखहरु उखेलेको, घरका छाना उडाएको, झ्यालहरु फुटाएको र लुजोनका धेरै ठाउँमा पहिरो र बाढी आएको छ । सामुद्रिक र हवाइ यात्रामा रोक लगाइएको छ भने विद्यालयहरू बन्द गरिएका छन् ।
यो आँधीले सन् २०१३ मा आएको घातक हायान आँधीलाई सम्झाएको छ जसले ७ हजार भन्दा बढी मानिसको ज्यान लिएको थियो ।