नेपालले अफगानिस्तानलाई २५ रनले हरायो
काठमाडौं, ३१ भदौं । भारतको लखनउमा भइरहेको १९ वर्षमुनिको एक दिवसीय क्रिकेट श्रृखंलामा पहिलो जित निकालेको छ । चौकोणीय यु–१९ सिरिज अन्तर्गत आइतबार भएको खेलमा नेपालले अफगानिस्तानलाई २५ रनले हराएको हो ।
टस हारेर ब्याटिङको निम्तो पाएको नेपालले ४९.३ ओभरमा सम्पूर्ण विकेट गुमाएर १८९ रन मात्रै बनायो । १९० रनको लक्ष्य पछ्याउने क्रममा अफगानिस्तानले ४७.४ ओभरमा सबै विकेट गुमाएर १६४ रन मात्र बनाउन सक्यो ।
नेपालका लाागि सागर ढकाल र पवन सर्राफले उत्कृष्ट प्रदर्शन गरे । सर्राफले सर्वाधिक अविजित ७८ रनको योगदान गरे । कुनै समय ९०÷६ को अवस्थामा रहेको नेपालको ब्याटिंगलाई पवनले पछिल्लो क्रमका ब्याट्सम्यानहरुसँग साझेदारी गर्दै १८९ रनसम्म पु¥याए । ९६ बलको सामना गरेका सर्राफले १० चौका र १ छक्का प्रहार गरे ।
यस्तै सन्दीप जोराले २८, रसिद खानले २४, लोकेश बमले १६ तथा भीम सार्कीले १३ रन बनाए ।
बलिङतर्फ अफगानिस्तानका मोहम्मद कबिरले तीन तथा अबिद मोहमदी र अरिफ खानले २÷२ विकेट लिए ।
अफगानिस्तानका कप्तान इजाज अहमद मेहरानले ५९ रन बनाए । रेयाज हसनले ३८ र अबदुल रहमान रहमानीले ३७ रन जोडे ।
बलिङतर्फ नेपालका सागर ढकालले चार तथा रसीद खान र कमलसिंह ऐरीले दुई–दुई विकेट लिए ।
