मधेशी दलको दोहोरो चरित्र सरकारमै बसेर संविधानको बिरोध
काठमाडौं, १ असोज । मधेशकेन्द्रित दुई दलमध्ये संघीय समाजवादी फोरम सरकारमा छ ।
केन्द्र सरकारमा फोरम सहभागी छ भने २ नम्बर प्रदेशको सरकारको नेतृत्व उसैले गरेको छ । तर केन्द्र र प्रदेशमा सरकार गठन गरेको फोरमले संविधान दिवसलाई कालो दिवसको रुपमा मनाउने निर्णय गरेको छ ।
जुन संविधान अनुसार उनीहरु सरकारमा सहभागी भएका छन्, त्यही संविधानको बिरोध गर्ने निर्णय फोरमको २ नं प्रदेशले गरेको छ ।
फोरमको २ नम्बर प्रदेशकी प्रमुख रेणु यादवले विज्ञप्ति नै जारी गरी संविधान जारी भएको दिन असोज ३ गतेलाई कालोदिनका रुपमा बिरोध गर्ने निर्णय गरेको छ ।
एकातिर सरकारमा बसी सुखसुबिधा पनि लिने र अर्कोतिर संविधानको बिरोध गर्ने दोहोरो चरित्र फोरमले देखाएको छ ।
त्यसैगरी अर्को मधेशवादी दल राष्ट्रिय जनता पार्टीले २ नम्बर प्रदेशका मन्त्री र राज्यमन्त्रीहरुलाई संविधानको बिरोधका लागि जिल्ला जिल्लामा खटाएको छ ।
केन्द्र सरकारलाई समर्थन गरेको छ भने दुई नम्बर प्रदेशमा पनि ऊ सरकारमा सहभागी छ । राजपाले सरकारलाई दिएको समर्थन फिर्ता लिएको छैन । सरकारलाई समथर्न गर्ने पार्टी सत्तारुढ पार्टीकै रुपमा चिनिन्छ ।
