श्रद्धा कपुरलाई खतरनाक रोग, खेल्दा–खेल्दैको चलचित्र अलपत्र
काठमाडौं, १८ असोज । बलिउड अभिनेत्री श्रद्धा कपुर चलचित्र खेल्दा खेल्दै रोगका कारण थलिएकी छन् ।
अभिनेत्री श्रद्धा कपुर यतिबेला भारतकी ब्याडमिन्टन स्टार साइना नेहवालको बायोपिकमा मुख्य भूमिका निर्वाह गर्दैछिन् ।
यस फिल्ममा रहेको उनको फष्र्ट लुक्स पनि सार्वजनिक भएको थियो । तर, अहिले यस फिल्मको छायाँकनको काम रोकिएको छ । फिल्मको काम बीचैमा रोकिनुको कारण हो श्रद्धा कपुरको स्वास्थ्य । उनलाई डेङ्गी भएको छ ।
यसै कारण उनी अहिले यस फिल्मको काम गर्न सक्ने अवस्थामा छैनन् । केही दिनदेखि स्वास्थ्यस्थिति ठीक नभएपछि जाँच गराउँदा श्रद्धालाई डेङ्गी लागेको थाहा भएको छ । श्रद्धा सेप्टेम्बर २७ देखि साइना नेहवालको वायोपिकको सेटमा गएकी छैनन् । एजेन्सी
