नक्कली प्रमाणपत्र पेश गरी प्रहरीमा बढुवा
तनहुँ, १९ कात्तिक । जिल्ला ट्राफिक प्रहरी कार्यालय, तनहुँका प्रहरी नायव निरीक्षक निरबहादुर अधिकारीको असई ( प्रहरी सहायक निरीक्षक) बाट सई (प्रहरी नायव निरीक्षक) मा बढुवा हुँदा नक्कली शैक्षिक प्रमाणपत्र पेश गरेको खुलेको छ ।
उनीविरूद्ध परेको उजुरीमा अख्तियार दुरूपयोग अनुसन्धान आयोगले गरेको छानबिनमा अधिकारीले बिहार संस्कृत शिक्षा बोर्ड पटनाबाट मध्यमा तहको नक्कली शैक्षिक प्रमाणपत्र पेश गरेको खुलेको हो ।
नक्कली शैक्षिक प्रमाणपत्रका आधारमा बढुवा भई सरकारी लाभ तथा सुविधा समेत लिएको भन्दै अख्तियारले उनीविरूद्ध सोमबार जिल्ला अदालत काठमाडौंमा मुद्दा दायर गरेको छ ।