नेपाल प्रहरीमा नयाँ एआइजी थपियो
काठमाडौं, २६ कातिक । सरकारले नेपाल प्रहरीमा एक जना अतिरिक्त महानिरीक्षक (एआइजी) नियुक्त गरेको छ ।
आइतबार साँझ बसेको मन्त्रिपरिषद् बैठकले नेपाल प्रहरी अस्पतालकी प्रमुख डा। दुर्गा थापालाई प्राविधिकतर्फको एआइजी नियुक्त गरेको हो । गृह मन्त्रालयले उनलाई असोज २४ गते एआइजीमा बढुवा सिफारिस गरेको थियो ।
कुनै बेला नेपाल प्रहरीमा १६ जनासम्म एआइजी थिए । गत जेठमा सरकारले प्रहरीमा अप्राविधिकतर्फ तीन जना मात्र एआइजी राख्ने निर्णय गरेको थियो ।
सोहीअनुरूप गृह मन्त्रालयले भदौ २६ गते पुष्कर कार्की, ठूले राई र धिरू बस्नेतलाई एआइजीका लागि सिफारिस गरेको थियो । तीनै जना एआइजीले गत असोज ७ गते दज्र्यानी चिन्ह पाएका थिए ।
