‘गङनम स्टाइल’का गायक पीएसवाई नेपाल आउने
काठमाडौं २८ कार्तिक । दक्षिण कोरियाली गायक पार्क जेई साङ ‘पिएसवाई’ नेपाल आउने भएका छन् । ‘गङनम स्टाइल’ गीतका गायक पीएसवाई नेपाल र कोरियाको कूटनीतिक सम्बन्ध ४५ वर्ष पूरा भएको अवसरमा नेपाल आउन लागेको हो ।
कोरियाली दूतावासले आयोजना गर्ने उक्त कार्यक्रममा पिएसवाईसँगै एओए, बड्किज, बेरी गुड, बिएपी, एसएफ नाइन, मोमाल्याण्ड जस्ता कोरियाका चर्चित ब्याण्डसमेत आउने भएको छ । आगामी १५ डिसेम्बर हुने कार्यक्रम रेडियो नेपालको ग्राउण्डमा हुने छन् । ५ घण्टासम्म चल्ने कन्सर्टमा नेपाली गायक दीपक बज्राचार्यले पनि प्रस्तुति दिने छन् ।