शान्तिको लागि समर्पित छु, म चीन बिरोध होइन : भिक्षु ग्याल्सेन
काठमाडौं, मंसीर २५ : बौद्ध भिक्षु मास्टर कर्मा तन्पाइ ग्याल्सेनले आफू चीन बिरोध नभएको र त्यस्तो कुनै पनि गतिबिधिमा संग्लन नभएकाे बताएका छन् । सामाजिक सञ्जालमा तस्बिर सहित चीन बिरोधी गुरु उल्लेख गरिएकोप्रति उनले दुःख व्यक्त गर्दै आफू कुनै पनि देश बिरोधी नभएको प्रष्ट पारे ।
ग्याल्सेनले चीन जस्तो विशाल र सम्पन्न मुलुकको बिरोधको कल्पनासम्म गर्न नसकिने बताए । उनले भने, ‘मेरो एउटै उद्देश्य हो, विश्व शान्ति । चीन बिरोधी गतिबिधिको म कल्पना समेत गर्न सक्दिन ।’ चीन र भारतसँग परस्पर मेलमिलाप र शान्ति आवश्यक भएको उनको भनाई छ ।
विश्व शान्तिको लागि पवित्र मन लिएर हिडेको बौद्ध भिक्षुलाई कुनै देश बिरोधी र समर्थक भन्नु गलत भएको उनको भनाई छ । उनले भने, ‘बौद्ध भिक्षुहरुलाई यो समर्थक र त्यो बिरोधी भनेर शंका गरिनु दुःखत हो । शान्ति भन्दा हाम्रो जीन्दगीमा कुनै अरु उद्देश्य छैन ।’
एआईजी कार्कीले किन भेटे ?
प्रहरी अतिरिक्त महानिरीक्षक (एआईजी) पुष्कर कार्कीले बौद्ध भिक्षु मास्टर कर्मा तन्पाइ ग्याल्सेनलाई भेटेर आर्शिवाद लिएपछि उनको चर्चा भएको हो । तर, कार्कीले पूर्व योजना अनुरुप भेटेका थिएनन् । भाई उत्तम कार्कीको घर आकस्मीक भेट भएको हो ।
त्यसो त ग्याल्सेन बौद्ध धर्मका अगुवा गुरु भएको कारण बिभिन्न राजनीतिक दलका नेता तथा सामाजिक क्षेत्रका अगुवाहरुले समेत भेट्ने गरेका छन् । भेटमा बौद्ध संस्कृति अनुसार खादा आदन प्रदान बाहेक अरु राजनीतिक उद्देश्य नभएको भिक्षुहरु बताउँछन् ।
काठमाडौंको रामकोटस्थित सेतो गुम्बाका गुरु हुन्, ग्याल्सेन । यो गुम्बाले यही ११ डिसेम्बरदेखि १६ डिसेम्बरसम्म आफ्नो २५ औं वर्ष गाँठ मनाउदैछ । यही कार्यक्रममा निम्तो दिन उनी अहिले बिभिन्न क्षेत्रमा पुगेका छन् । यो गुम्बा १९९३ मा स्थापना भएको हो । उनले यो कार्यक्रमका लागि उच्च पदस्थ नेतृत्व र सामाजिक क्षेत्रका अगुवाहरुलाई निम्तो गरेका छन् ।
त्यसो त ग्याल्सेनले एआईजी कार्कीलाई मात्रै होइन प्रधानमन्त्री केपी शर्मा ओली, उपप्रधानमन्त्री उपेन्द्र यादव, सभामुख कृष्णबहादुर महरा, कांग्रेस नेता प्रकाशमान सिंह लगायतलाई भेटेका छन् । तर, उनले राजनीतिक उद्देश्य नभई सेतो गुम्बाको ‘सिल्भर जुब्ली’ कार्यक्रमको निम्तोको लागि पुगेका हुन् । उनले मंगलबार पनि उपराष्ट्रपति नन्दबहादुर पुनलाई भेटेर कार्यक्रमको निम्तो दिएका छन् ।
ग्याल्सेनको चिठी :-
