छात्राले नम्बर बढाई दिन आग्रह गर्दा शिक्षकले सेक्स मागेपछि …
काठमाडौं, ३ पुस । यौनजन्य हिंसा सर्वत्र फैलिएको छ । नेपालमा मात्र होइन अन्य देशका महिला पनि यौनजन्य हिंसाको शिकार बनिरहेका छन् ।
यस्तै नाइजेरियाका प्राध्यापक रिचार्ड एकिन्डेललाई छात्रासँग सेक्सको माग गरेको अभियोगमा सोमबार जेल सजाय तोकिएको छ ।
सिएनएनका अनुसार एकिन्डेलले मोनिका ओसागीको नम्बर बढाउनका लागि उनीसँग सेक्सको माग गरेका थिए । उनलाई छात्रामाथि अनुचित व्यवहार गरेको, आफ्नो उमेर ढाँटेको र प्रमाणमा फेरबदल गरेको आरोपमा दुई वर्षको जेल सजाय तोकिएको छ ।
२३ वर्षे ओसागीले सिएनएनसँगको अन्तर्वार्तामा एकिन्डेलविरुद्ध प्रमाण जुटाउनका लागि उनको कुराकानीलाई गोप्य तरिकाले रेकर्ड गरेको बताइन् ।
ओसागीले सिएनएनलाई दिएको अन्तर्वार्ताको एक महिनापछि एकिन्डेललाई ओबाफेमी एवोलोवो युनिभर्सिटीले निष्कासित गरेको छ । एजेन्सी
