अब सिलाई मेशिन पनि आफ्नै इशारामा चल्ने, बजारमा आयो वाइफाइ मेशिन
काठमाडौं, ३ फागुन । के तपाई सिलाई–कटाई व्यवसाय गरिरहनु भएको छ ? अनि दिनभर मेशिन चलाउँदा खुट्टाको समस्या भयो ? अब चिन्ता लिन नपर्ने भएको छ ।
अब तपाईले कपडा सिलाउँदा चलाउने मेशिन तपाईकै इशारामा चल्ने भएको छ । उषा जेनोम कम्पनीले भर्खर वाइफाइ सक्षम सिलाई मेशिन ‘द उषा मेमोरी क्राफ्ट १५०००’ लञ्च गरेको छ ।
यसले प्रयोगकर्तालाई एम्ब्रोडिरी डिजाइनलाई आइप्याडबाट सिधा मेशिनमा पठाउनमा सक्षम बनाउने छ । कम्पनीले दाबी गर्दै भनेको छ कि यो वाइफाइ सक्षम स्टिचिङ कम एम्ब्रोडिरी मेशिनले फेसन फरवार्ड क्रिएसनलाई निकै सहज र आनन्ददायी बनाउने छ । यो मेशिनले १००० एसपिएम (स्टिचेज प्रतिमिनेट) को गतिमा एम्ब्रोडिरीलाई चलाउने कम्पनीले जनाएको छ ।
कम्पनीका अनुसार यो आधुनिक सिलाई मेशिन जापानिज प्रविधिबाट निर्माण गरिएको छ । यो मेशिन निर्माण फोर एमबी मेमोरी स्पेशका साथ गरिएको छ ।
यसको एक्यूफिड फ्लेक्स टेक्नोलोजीले फूट प्रेसर एडजस्टमेन्टका लागि नियन्त्रणमा सहयोग गर्दछ भने प्रयोगकर्तालाई विभिन्न बाक्लो लेयर्स तथा फेब्रिक्सको एक व्यापक श्रृंखलाको माध्यमबाट उत्कृष्ट ढंगले सिलाउन मद्दत गर्दछ । यसमा टेक्सटाइल, फक्स लेदर, प्लाष्टिक तथा कागज सामेल छ ।