कटेजमा आगलागी हुँदा एक पुरुषको मृत्यु, शव चिन्नै नसकिने अवस्थामा फेला


३ चैत्र २०७५, आईतवार
death मृत्यु
फाइल तस्बिर

दोलखा, ३ चैत । दोलखाको भिमेश्वर नगरपालिकास्थित एक कटेजमा आगलागी हुँदा एक पुरुषको मृत्यु भएको छ । भिमेश्वर नगरपालिका–४ सार्केश्वारामा जस्ताको कटेजमा आगलागी हुँदा ५७ वर्षीय खड्गप्रसाद चौलागाईको मृत्यु भएको हो ।

death मृत्यु
फाइल तस्बिर

जस्ताको टहरामा एक्लै बस्दै आएका चौलागाईको आगलागीमा परी शरीर पूर्णरुपमा जलेको जिल्ला प्रहरी कार्यालय दोलखाले जनाएको छ । चौलागाईंको शव आगोले जलेर नचिनिने अवस्थामा फेला परेको प्रहरीले जानकारी दिएको छ ।

कटेजमा कसरी आगलागी भयो भन्ने विषयमा केही खुल्न सकेको छैन । चौलागाईंका छोराछोरी र श्रीमती भए पनि उनी आफ्नो मूलघरभन्दा करिव ३० मिटर टाढा कजेटमा एक्लै बस्दै आएका थिए । मृतक चौलागाईंको शव घटनास्थलमै रहेको र घटनाको विषयमा थप अनुसन्धान भइरहेको छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७