काममा नफर्किने डाक्टरलाई कार्वाही
‘चिकित्सकको आन्दोलन संघीयता विरोधी’
काठमाडौं, २६ चैत । चिकित्सकहरुले अत्यावश्यक स्वास्थ्य सेवा प्रभावित पार्नु गैरजिम्मेवारपन भएको ठहर गर्दै काममा नफर्किने डाक्टरलाई कार्वाहीको प्रक्रिया अगाडि बढाउने भएको छ ।
सरकारी चिकित्सकको हड्तालका कारण सेवा अवरुद्ध भएपछि उपप्रधान तथा स्वास्थ्यमन्त्री उपेन्द्र यादवले सरकारले खटाएका ठाउँमा डाक्टरहरू नगए अब कार्वाही प्रक्रिया अगाडि बढाउने बताएका छन् ।
सरकारले भनेको नमानेमा नियमअनुसार कार्बाही गरिने मन्त्री यादवले बताए ।
स्वास्थ्य मन्त्रालयमा आयोजित एक कार्यक्रममा पत्रकारहरूको प्रश्नमा उपप्रधानमन्त्री यादवले सबैभन्दा बढी जनता गाउँमा बसेका हुनाले चिकित्सकहरू गाउँ गाउँमै जानुपर्ने बताए ।
म शहरमा मात्रै बस्छु भन्ने डाक्टरको माग हुनै नसक्ने यादवले बताएकाछन् । चिकित्सकहरूको आन्दोलन संघीयताविरोधीहरूको षड्यन्त्र भएको पनि मन्त्री यादवले आरोप लगाए ।